close
「ㅓ」(ㄛ)是韓語的第三个母音，看起來是毋是有淡薄仔面熟？敢若佮頭一个母音「ㅏ」(ㄚ)欲仝啊欲仝對無？是啦，進前講韓語的母音就敢若是窗仔門框的某一个角度，「ㅏ」(ㄚ)是倒爿，啊「ㅓ」(ㄛ)拄好是正爿，兩个母音看起來差不多，只是方向不仝爾爾。
發音的部份，「ㅓ」的發音接近華語的(喔)，佮臺語烏色的(烏)差不多。聽著「ㅓ」(ㄛ)，無定有人會去想著，這个「ㅓ」(ㄛ)敢會就是轟動武林驚動萬教，迷倒一thoo33 la55 khuh3查某囡仔，就連囡仔嘛攏知影的「歐巴」彼个「歐」？哈！真歹勢，(此ㅓ 非彼歐)，「歐巴」的「歐」是另外一个「ㅗ」，毋是這个「ㅓ」啦。
毋是「歐巴」的「歐」，啊無是佗一字「ㅓ」(ㄛ)？將將…是阿母「어머니」的「어」啦。
全站熱搜
留言列表
