進前講韓語的母音攏是一對一對，所以佮「ㅏ」(ㄚ)、「ㅑ」(ㄧㄚ)仝款，「ㅓ」(ㄛ)嘛有一个partner，就是加一劃的「ㅕ」(ㄧㄛ)。
有一个廣告應該真濟人捌看過，就是「青菜佇遮啦」，「遮」，韓語講「여기」，啊「여기」的「여」(ㄧㄛ)就是子音「ㅇ」+母音「ㅕ」來的。
「여」(ㄧㄛ)另外一个意思是「女」，譬如講「여자」，意思就是「女者」，也就是查某人的意思啦。敢有發現，後面這个「자」佮咱臺語的「者」音真接近？無毋對，這就是我進前講的，韓語佮臺語有真濟所在差不多，尤其是發音。「여자」是「女者」，啊「남자」就是「男者」，若按呢，臆看覓？啊「기자」是啥物意思咧？哈！是「記者」啦。
請先 登入 以發表留言。