close
風颱 (台語) / 季芸
氣象報告講風颱愈來愈近
提醒逐家防颱準備一定愛趕緊
厝前厝後 樓跤樓頂
若有危險的物件一定愛固定
大風一陣一陣透袂停
海湧強強欲反過山頂
港邊漁船一隻一隻倚鬥陣
毋敢出海佮天拚風湧
作穡人看天食飯上驚天變面
風颱若來就無閒甲面青面腫
風雨無情只會當顧眼前
拚時間搶收一秒鐘攏毋敢停
地勢低的所在上驚水來淹
萬全準備沙包擺甲滿厝前
山頂提防山崩石頭大水入厝間
提早撤離較免危險命歸陰
風颱天糧食愛提早款起來囥
泡麵咖啡配新聞 千萬毋通亂出門
車毋通烏白停 閣較毋通走去海邊看風景
風颱放假趁清閒 乖乖踮厝等風雨停
註:
逐家:大家
反過:翻過
倚鬥陣:靠在一起
作穡人:農夫
囥:放
趁:賺
全站熱搜
留言列表