彩霞 / 季芸
阿母讀日本冊
細漢時定定教我唱歌講日本話
酒是さけ,はな是花
ゆうやけこやけで ひがくれて
囡仔人愛耍無想遐濟
阿母教真濟
我是凊彩唸唸咧
連五十音,攏學袂會
大漢讀冊
國際貿易愛學日本話
彼咧時陣才後悔
細漢時無認真綴阿母學予好勢
ゆうやけこやけで ひがくれて
上尾唱歌予阿母聽
阿母已經無法度講話
我輕輕仔唱,阿母恬恬仔聽
日頭落山,阿母
已經變做天頂的彩霞
註:
ゆうやけこやけで ひがくれて: 晚霞滿天,夕陽西下
(日本童謠晚霞歌詞:夕燒小燒で 日が暮れて)
全站熱搜
留言列表