季芸

分享今年臺中文學獎得獎作品
拜科技所賜
現代人常以手機拍照記錄生活
我以相片為題書寫人生歲月的起承轉合
都說歲月無情
生命的軌跡不斷游移
從稚嫩、風華、進而衰微
最後的畫面
雲朵、溪流、魚兒
在牆上留下圓滿…

文字淺白自然書寫
能獲評審青睞獲此殊榮真的很開心
這也是我今年最好的生日禮物

第十一屆臺中文學獎臺語詩優選

相片 / 蔡秋雲 (季芸)

時間行入快門
故事，開始梳妝
走馬燈的劇情，轉踅
佇小小的四角框

目睭瞌瞌
定著的姿勢有淡薄仔歹勢
喙䫌，兩片紅龜粿
是迎接頭一聲哭聲的見面禮

滿月、度晬、學行、讀冊
有時笑容親像一蕊花，有時
目屎四淋垂
青春，像春天的尾蝶仔颺颺飛
歲月行跤花
每一个表情，攏是見證

人生大事用譀鏡來看
Se -bi-loh佮新娘衫，共
「幸」、「福」合做一个家
khah嚓聲像迵海的桌聲
一聲一聲共劇情推捒(thui-sak)到上高潮

故事來到尾段
毋知當時，頭毛 
哪會袂輸雲咧飛
平坦的面皮流來一條一條的溪
幾尾泅來的魚仔，偷偷
覕佇目尾，好親像
咧張等最後的結局是啥貨？

時間喝「khah」，謝幕
的笑容留佇壁
紲攤的劇本，留
予代代的序細，繼續寫

感謝臺中文學館製作影片：