close
新年到 / 季芸
(改編自:恭喜恭喜)
天氣寒甲冷吱吱
日頭走去叨位覓
冷風歡喜笑咪咪
春花含蕊等要開
日頭日頭 叨位覓呀
春花春花 等要開
燕仔寒甲打噴嚏 (打噴嚏:國語)
講要出國過冬天
厝角鳥仔來問起
原來要去Hawaii (夏威夷)
燕仔燕仔 出國去呀
要去要去 Hawaii
大樹寒甲剩樹枝
樹葉落甲滿路邊
暗淡路燈來陪伊
溫暖燈光伴空虛
大樹大樹 剩樹枝呀
溫暖路燈 來伴暝
草仔寒甲面青青
一陣冷風擱吹起
犁犁的頭擔袂起
唉聲嘆氣等春天
草仔草仔 面青青呀
唉聲嘆氣 等春天
日頭花啊找無日
拜託烏雲閃一邊
期待過年會好天
日頭會凍笑面開
烏雲烏雲 閃一邊呀
日頭日頭 笑面開
冷風酸雨緊返去
阮要歡喜過新年
日頭嘸免擱再覓
展出笑容過好年
日頭日頭 免擱覓呀
展出笑容 過好年
炮仔聲啊響連天
管伊好天或歹天
闔家團圓圍爐邊
歡歡喜喜迎新年
闔家團圓 圍爐邊呀
歡歡喜喜 迎新年
影音純屬分享
若有侵權敬請告知
將立即刪除
全站熱搜
留言列表