close
信篤，是目前猶閣時常聽著的臺語詞，意思是相信，或者是華語講的「理會」。譬喻講：「無彩我講規晡，你煞攏無咧共我信篤。」。
講著信篤，就想著較早阮阿母閣佇咧的時陣，毋知是看電視？抑是捌聽阮遮序細咧講？讀日本冊根本毋捌華語的阿母，竟然嘛受著影響，天才的阿母共「信篤」變做臺灣國語的「ㄓㄨ道」，然後阮就定定聽阿母咧唸：「啊講(管)就一枝長長啦，嘛毋知有咧共我ㄓㄨ道啊無咧共我ㄓㄨ道？」哈…落尾連我這个查某囝，嘛開始會學阿母的口氣，共我的查某囝唸：「啊我咧講啥，你是有咧共我ㄓㄨ道啊無啊？」。
信篤，這句算較簡單，按呢講，應該逐家攏「知道」啦謼(hooh)。
全站熱搜
留言列表
